 |
| KUTHA JAKARTA SAYA AMBLES |
Peneliti Teknik Lingkungan Universitas Indonesia, Firdaus Ali, Senen (2/3) nduweni pangira, kutha Jakarta bakal kerem dening banjir wiwit taun 2012 mengko. Kereme Jakarta, Miturut Firdaus, disebabake dening penyedhotan banyu kang ngluwihi ukuran saengga saya suwe lemah kang rata ing sisih nduwur ambles. Saliyane kerem, Jakarta uga bakal ngelak. Miturut Firadus, banyu kang disedhot saka njero lemah rata-rata 320 juta meter kubik saben taune. Kamangka wates aman penyedhotan mau 38 juta meter kubik setaun.
Kepala Bidang Pencegahan Dampak Lingkungan lan Pengelolaan Sumber Daya Alam DKI Jakarta Dian Wiwekowati nambahake, saliyane merga penyedhotan banyu sing kliwat wates, masalah liyane kang njalari saya amblese Jakarta yakuwi akibat penetan (dhesegan) bangunan. Penetan bangunan, kandhane Dian, 87,5 persen njalari struktur lemah cepet ambles. Dian nduga, amblese Jakarta mau bakal mengkone mandheg dhewe. Nanging dheweke ora bisa nemtokake kapan mandhege amblesan mau.
RRI 20 Juni 2010
0 Response to "Pawarta Bahasa Jawa KUTHA JAKARTA SAYA AMBLES"
Post a Comment