Geguritan Bahasa Jawa "Siningget Karep"

Geguritan Bahasa Jawa dengan judul siningget karep menceritakan tentang keadaan dimana nafsu manusia yang hanya memikirkan nafsu pribadi semata, dan hanya berpikiran bagaimana cara menghasilkan uang untuk kekayaan pribadinya saja. Geguritan ini pernah dimuat pada majalah Panjebar Semangat.

Geguritan Basa Jawa

Siningget Karep

(Ariesta Widya)
Pancen angel diwiyaki
Dalan angen sing isih keplantrang
Miyak-miyak laku jantraning urip
Ajuring katresnan pedhot ndalan cawangan
Sumawuring kuwitansi sing lambanging rega
Bisa ngeblak tanpa rumangsa piye tembene
Pancen rega gumantung ing ngendi pikolehe
Ing pinggir dalan cedhak bakul rombengan
Apa ing tengahing bal mlumpat-mlumpat disandhingi bocah ayu
Lan esuke mrangguli ing lawang kantor duweke negara
Cepetan iki wis telat sidang (mengko ditayangake televisi)

Dina iki cacah kursi sak hohah pirane sak kursi?
Kari nari kuwitansine, saka luar negeri apa ?
Saka jepara duweke wong manca sing ngrabi yu rukiyah ?
Apa trima wong desa mlangga kanthi ati marisi
Tinggalane mbah buyut kang wis ngaluhur

Apa maneh kang kudu dirembug tudhine mung pradongdi
Kowe arep golek urip mung marisi apa
Kowe arep golek urip mung angen-angen
Miyak lakune rembulan garis urip sore miyak wengi
Gumebyar rembulan kepleng tanggal lima las (banjur yen rembulan kalangan apa karepe ?)

Akh, bisa sirah mubeng ngluwihi jantraning urip
Owah-owahan kang adu cepet miyaki angen-angen
Kang siningget karep lan dalan simpang pitu
Kang pating sraweh nutupi aspal gumelar padhang njingglang (oh, aspal gumelar tibake asli nanging palsu sing gumelar )

Tweet